Jon Plazaola naiz. Urretxun (Gipuzkoa) 1982an jaiotako aktorea.

Taberna- zulo, kafe- antzoki eta inprobisaturiko oholtzetan hasi nintzen stand up egiten. Horrela konturatu nintzen istorioak kontatzea, interpretazioa eta ikuslearengana gerturatzea nituela gustoko.

Ondoren antzerkia, telebista eta zinema etorri ziren. Komedia da nire etxea, baina bigarren etxebizitzetan ere eroso sentitzen naiz.

Kontraesankorrak diren pertsonaiek erakartzen naute. Hunkitzen dutenek, barre eragiten dutenek edo deseroso sentiarazteko gai direnek.

Jakinminak eta inprobisazioak gida nazaten uzten dut. Azken finean horrela hasi zen dena, ezta?